عاشق جمال النبي كلمات الشاعر محمد أبو الحسن
بقلمى.محمدابوالحسن
**************
أناعاشق جمال النبى
وبحب آلَ البيت
وصلاتى عليه مكسبى
ولزيارته نوِيت
يارب تِنوِّهالى
عُمره وحج ياريت
أملِّى عينى من جمالُه
وأصلِّى فى الرُوضه
قُبالُه
بين قبرُه الشريف
والبيت
وأشوف أبو بكر وعمر
وكل آلَ البيت
وأقول لحضرِة نبينا
الشُوق دعانى وجِيت
وأدعى وأقول ياربى
شفَّع حبيبنا فينا
وأجعل الجنه لينا
يامالِك الملكُوت
وإوردنا على حُوضُه
الشريف
نشرب من إيديه
شربه تشبِعنا وتروينا
بحّق صلاتنا عليه
ونشوف نعيم الجنه
والحور حوالِيه
وأروح أزور البقيع
والشُهداإللى ماتوا فيه
وأقول ياربِ مُوته هنِّيه
بجوار أصحاب حبيبى
إللى خافوا عليه
وأبوس تراب المدينه
إللى داس حبيبى عليه
وأسلِّم على أهلها
وأقولهم جمِيلكم علينا
علشان فرحتوا بيه
وأهلى يسألونى
إحكيلنا عن زيارتك
لبلد الحبيب
وشوَّقنا لزيارته
ويارب تكون قريب
وهاتلنا من ريحتُه
سِبحه ومِسك وطِيِب
داللى يرُوح المدينه
ياخُد بركه وسكِينه
ولاعُمرُه تانى يخِيب
دى القعده قُدام مآمُه
تشفِى العليل ويطِيب
يارب نوِّلنا آمالنا
بزيارة الحبيب
محمدابوالحسن
Commentaires
Enregistrer un commentaire