وقتاش لقاك كلمات الشاعر الزجال الادريس محمد
وقتاش لقاك. يا لحافر فالقلب انفاق
يا الساكن. فروح الاعماق
يا الطاعن. جرحي غساق
يا الغافل. حظني مشتاق
وقتاش تجي. راه الدمع سايل يجري
ع الخدود. سارح بكري
تشوفو تحسبو رقراق
وقتاش نفيق من هاذ الحلم المخناق
طالت فيه الطريق. مشيتها بلحفى فالرجلين
وحظي يرمي فالاشواك. خطوة نرميها ف البر
وخطوة فبحرك الغراق. غرقت فيه هاذي سنين
وقتاش فسمـــاك. نحلق بلا جنحين
نطير نقرب حداك. نلمس دوك الخدين
تشرق شمس الافاق. يزول ضباب العينين
يطفى الهم.الحراق. يطفى فدمعي لحزين
نتلاقاو من بعد لفراق. يتصافحو هاذ الكفيين
يتعانقو كل العشاق. يتعانقو جميع الجنسين
17 ّ05. 2020.
الادريسي محمد..
Commentaires
Enregistrer un commentaire