أنا ابن الصياد كلمات الشاعر صبري القن
------------------------ الشاعر : صبري القن
أنا ابن صياد
عاشق للبحيرة وضى القمر ع الموج
بيضوى ف عينيه طول الوقت
ورثت الحب بالفطرة وقولت الشعر بالفطرة
ونولت الحزن بالقطرة وأشهد بأنى قتيلك
وانى مش سباح !!!!!!
ولا كان لى ف يوم مرسى !!!!
لكنى ذى خلق الله
بحلم أشوف لك صبح من تانى
ومش يائس!!!!
لأن أبويا دوقنى مرار الصبر !!!
فحلمت وياه أخطى الأه ولا عرفناش!!!!
وقلت يا ليل وقلت يا عين على فلوكة !!!
ما بين الموجة والموجة وبين الحوجة والحوجة !!!
رميت حلمى على الرزاق
ولا ف يوم اشتكيت لصديق
برغم الضيق ولا احتجيت على الخلاق !!!!
أنا ابن صياد
بغنى الحب للفقرا
واغنى الشعر للفقرا
وأشعارى مسيرها تكمل المشوار !!!!
ويطلع بعد ليلها نهار !!!!
واكون ذكرى مجرد صورة أو أشعار
أنا ابن صياد
عاشق للبحيرة وضى القمر ع الموج
بيضوى ف عينيه طول الوقت .
Commentaires
Enregistrer un commentaire