فكرة وعبرة كلمات الشاعر محمد أبو عطية

✋ فكرة وعبرة✋

يا نجمة معلقة في السما شفتك 
            لا غبت عني ولا بإيدي لمستك 
يا قهوة الصبح والمسا شربتك 
           لا عدل مزاجي ولا بكيفي تركتك 
يا خمرة أشغلتني وللعقل جبتك 
           لا قربت مني ولاعن عيني بعدتك 
شوفوا حل معها لا تبقى بالوسط 
           عقلي شت وبالحيطة راسي خبط
إحكولي معها تعقل بيكفي عبط 
            أخذتها شمال ويمين كلو ما زبط 
وجعني راسي وتعصب وإرتبط
            خلص صبري وقلبي منها إنجلط 
عشت باقي عمري في السرير 
            يحكوا عني  معاق ومرة ضرير 
من يوم شفتها ما شفت خير 
            كل الناس أحرار وانا قاعد  أسير  
قصتي عبرة لكل صغير وكبير 
            إفهمها واياك تكون بفعلك حقير 
طريق البنات مفروش بالشوك 
            لا تقربوا وخليك حسن السلوك 
إسمع لأهلك ولما يتكلم أبوك 
            حب النبي وخاف ربك ينفعوك 
كبارك هم يفهموا وينصحوك
            إن وقعت من ضيقتك ينشلوك
أنت يلي تقرأوتشوف كلامي 
            إسمع نصيحتي لا تمشي قدامي
عيش حر وخذ تجربة أيامي 
            القصص تتشابه وتختلف أسامي 
يا إبني أنت جيتني بمنامي 
            تقلى ما فهمتك وضاعت أحلامي  
يا ناس ركزوا وإسمعوني زين 
            شوفوا هدف كلامي والحكمة وين 
لا تطلع بالسما لو فيه قمرين 
            شوف يلي بمقامك ويطلعلك بعين 
صاحبه خاف تخسروا مرتين 
             يلي يروح ما ترجعوا دموع العين 

كلمات الشاعر 
محمد ابو عيطة