ليلة سقوط بغداد كلمات الشاعر محمود سعدون
الشمس يومها غابت -------- والقمر كان حزين
والارض نادت و قالت --------- يا ناس ولادى فين
فين احفادك يا علي ---------- وولادك يا حسين
فين الى ساكنه قلوبهم ---------- بقالي زمن وسنين
-------------------- ليلة سقوط بغداد
اتجمع الاشرار ------------ والخونه والملاعين
اتجمع جورج بوش --------------- واخوه بنيامين
خططو لضرب عرقنا ------------- بسلاحهم المتين
ضربوا في كل مكان ------------- واحتلو الميادين
-------------------- ليلة سقوط بغداد
سمعت ناس بتصرخ ---------- غيتونا يا موامنين
ناس بالرصاص بتموت ---------- وناس شمتانين
وناس كانت بترقص ----------- وتغني وفرحنين
كان الي مات مش منا ------------ ولا نعرف هما مين
-------------------- ليلة سقوط بغداد
سمعت طفل بيبكى -------------- من البصره اسمه يس
بيقول ابويا مات ------------ انا حقي عند مين
فين ولاد العرب ----------- وشهامة المسلمين
فين امة محمد ------------- وولاد صلاح الدين
---------------- ليلة سقوط بغداد
اتفرق الاخوات ----------- واتقسموا لفريقين
بقينا شيعه وسنه ------------- بقينا ناس تنين
سنى بيكره شيعي ------------- ووصفه من الكافرين
وشيعي بيكره سنى ------------- وبيدبحه بسكين
--------------- تاريخ سقوط بغداد
تاريخ مليان هموم ------------ مكتوب بدمع العين
ناس راحت شمال ------------ وناس راحت يمين
عشان نراضى روسيا ---------- ونبقي حبايب الصين
عشان ماما امريكا ------------ بعنا الوطن والدين
Commentaires
Enregistrer un commentaire