كيف ندير نفرح كلمات الشاعر الزجال محمد زرواني
بغيت نفرح
ؤ بغيت نغني
بغيت نرجع
تاني صغير
بغيت نعيش
كيف كنت اهبيل
ياك كنت هاني
بلا مشاكيل
ما كنت عارف
زواج ولا ولف دليل
هظر معايا راسي
ايه انت ... انسا
ؤ كمل الطريق
اش هاد النغمه
ولموال اش هاد لهبال
شكون عندو
كلمه تداوي لقليب
جراحي انا فرح
جرحي انا قرح
غارق هم حتى لودنين
يا راسي كيف
ايجيك الفرح
ولايجيك لغنا
والهم فيك دفين
كيف ندير نرجع
ليام الصغر
ؤ ليام زمان
كيف ندير نفرح
بيك يا الدنيا
ؤ نغني ليك بموال
اش خبارك يا حزاني
وانت شموعك
طفاها الريح
زهري انا مدفون
ف بير ظليم
ويا زارع الشوك
في قلبي غدا
ايلطمك وتعود عليل
اسمع يا صاحبي
هدا ما رسمتي فيا
من كلام مخزون
عنداك تحط
راسك عل لوسادة
ويجيك النعاس تقيل
لا تحسب حالك فيا منظوم
كيف ندير نفرح ولا نغني
والقلب معلول والحال فيا ظليم
♥️بقلم الزجال : محمد زرواني
Commentaires
Enregistrer un commentaire